गण्डकी तथा लुम्बिनी प्रदेश

गण्डकी लुम्बिनी प्रदेश समन्वय समितिका संयोजक कल्याणकुमार कार्की हुनुहुन्छ। यस समन्वय समितिअन्तर्गत गोरखा–तनहुँ, लमजुङ, कास्की, नवलपुर–नवलपरासी र रुपन्देही तथा पाल्पा जिल्ला समितिहरू तथा तिनअन्तर्गतका इकाई मन्दिरहरू रहेका छन्। २०८३ सालको वीतक कथा आ–आफ्नो मन्दिरमा सञ्चालन भएको, साथै वार्षिक उत्सव, मेलापर्व, दैनिक सेवापूजा, सत्संग र पाठपारायणजस्ता कार्यहरू भइरहेका र इकाई समितिहरूको वार्षिक साधारणसभा सम्पन्न भई हिसाबकिताब तथा प्रतिवेदन पेस भइरहेको प्रतिवेदनमा उल्लेख छ।

प्रमुख गतिविधि

२०८२ असार ६ गते शनिबार श्रीकृष्ण प्रणामी मन्दिर बुटवलमा केन्द्रीय अध्यक्ष श्यामकृष्ण शर्माको प्रमुख आतिथ्यमा जिल्ला तथा इकाईका अध्यक्ष, कोषाध्यक्ष, सचिव र सुन्दरसाथहरूलाई लेखा, संगठन तथा धार्मिक विषयमा प्रशिक्षण दिइयो।
पोखरा रत्नचोक मन्दिरमा रु. आठ लाखको लागतमा टायल, जिप्सम, ग्रेनाइट जडान गरी रेस्टरुम निर्माण भयो।
रत्नचोक मन्दिरले वि.सं. २०८४ मा श्रीमद् तारतम सागर १०८ पाठपारायण आयोजनाको तयारी थालेको छ।
श्रीकृष्ण प्रणामी धर्मशाला बेलहियामा बुटवल उपमहानगरपालिकाबाट विनियोजित र सिद्धार्थनगर नगरपालिकामार्फत प्राप्त रु. ३ लाख ७० हजारबाट शौचालय, बाथरुम, सिँढी र छतको काम गरियो।
२०८१ भदौ ३१ गते पाल्पामा इकाई मन्दिरहरू मिलेर नयाँ जिल्ला समिति गठन भयो।
प्राणनाथ अनाथ सेवा आश्रम देवघाटले विपन्न वृद्धवृद्धा तथा असहाय बालबालिकालाई आवास, खानपान, स्वास्थ्य र शिक्षामा सहयोग गर्दै आएको छ।

जिल्लागत झलक

जिल्ला समिति	मुख्य विवरण
गोरखा–तनहुँ	दुई जिल्ला मिलेर एउटै जिल्ला समिति। गोरखाको रानीवनमा मंगल वृन्दावन आश्रमको नामले सत्संग समिति; तनहुँमा श्रीकृष्ण कृपाधाम देवघाट, आँबुखैरेनी मन्दिर र पुर्कोटमा एक सानो मन्दिर।
लमजुङ	बलथुम, सूर्यपाल र भोर्लेटार मन्दिरसहित ३ समिति र जिल्ला समिति कार्यरत।
कास्की	पोखरा रत्नचोक र सयलपाखामा मन्दिर तथा आश्रम; डाँडाको नाकमा श्रीकृष्ण प्रणामी मिशन ट्रस्टको आश्रम। सयलपाखा वृद्ध तथा बालआश्रम २०३९ सालमा स्थापना भएको।
नवलपुर–नवलपरासी र रुपन्देही	नवलपुरमा त्रिवेणी मन्दिर, नवलपरासीमा २ र रुपन्देहीमा २ मन्दिर। बुटवल–३ चिडियाखोला मन्दिरको निर्माण सम्पन्न; सिसई सिमरहनीमा सेवा सदन; बेलहियामा धर्मशाला।
पाल्पा	माथागढी (झडेवा) र मलेङमा मन्दिर, निस्दी हुवासमा सत्संग समिति। टेकनडाँडा मन्दिरको आवास तथा भान्साघर निर्माण सम्पन्न।

स्रोत: ५९ औँ केन्द्रीय साधारण सभा वार्षिक प्रतिवेदन २०८२/०८३