श्यामनगर बुढौली, चितवनमा नवनिर्मित मन्दिरको समुद्घाटन तथा कलश अनावरण
श्रीकृष्ण प्रणामी मन्दिर, श्यामनगर बुढौली, चितवनको नवनिर्मित मन्दिर भवनको समुद्घाटन, सेवा पूजा पधरावनी तथा कलश अनावरणको उपलक्ष्यमा २०८२ मंसिर ३ देखि ९ गतेसम्म १०८ श्रीमत्तारतमसागर पाठपारायण भव्यतापूर्वक सम्पन्न भयो ।
कार्यक्रममा जगद्गुरु आचार्यश्री कृष्णमणिजी महाराज एवम् आचार्यश्री सूर्यनारायण दासजी महाराजको उपस्थिति रही आशीर्वचन प्रदान भएको थियो । सोही अवसरमा धर्मधाम जिरौनामा संरक्षक परिषद्को छैटौँ बैठक पनि सम्पन्न भयो ।
श्रीकृष्ण प्रणामी युवा परिषद् नेपालले महोत्सवमा “युवा, अध्यात्म र सेवा” विषयक विचार गोष्ठी सञ्चालन गर्नुका साथै ४० थान स्वयंसेवक ज्याकेट सहयोग गरेको थियो । बागमती प्रदेश समन्वय समितिले पारायणमा रु. ११,००० सहयोग गरेको थियो ।
मिति: २०८२ मंसिर ३ | स्रोत: ५९ औँ केन्द्रीय साधारण सभा वार्षिक प्रतिवेदन २०८२/०८३